الأربعاء، 26 نوفمبر، 2008

سرير واسع



جلس وحيدا فى غرفته الوحيدة فى بيته الأوحد على طرف سريره الواسع.. بين بقايا أطعمة وزجاجات مياه فارغة وأخرى مملؤة.. وقشر موز وخبز عفن وبطانيته البالية .. بثيابه الرثة المليئة بالثقوب من فعل تساقط سجائره الملغومة وأخذ يحدث نفسه قائلاً:

- أبويا مات.. وأمى ماتت.. وجدى مات .. وجدتى ماتت.. وأخويا مات.. وأخويا مات.. وأختى ماتت.. وجدتى ماتت.. وجدى مات.. وعمى مات.. وعمى مات.. وعمى مات.. وعمتى ماتت.. وخالى مات.. وخالى مات.. وخالتى ماتت .. وخالتى ماتت

ونظر عاليا وضحكة طفولية تملأ وجهه لتكشف خلو فمه من الأسنان وقال:
- يعنى بقيت أنا كبير العيلة... وملأت جلجلة ضحكته فراغ الغرفة المظلمة
- بقيت الكبير لناس ما أعرفهمش ....قالها وهو يغلق عينيه الضيقتين ليفرد جسده على السرير الواسع

هناك 12 تعليقًا:

اسامه عبدالعال يقول...

اظن انه لم يستيقظ من جديد

أحمد حشمت يقول...

إذا لماذا يبقى هو إلى هذه اللحظة
ليبقى كبيرا
ليته كان غير ذلك

77Math. يقول...

كقصة قصيرة جدًا .. حلوة !

كمعنى ..

ربما يكفي أن أتنهد وأتمنى لو أنام أن أذهب حيث ذهب بطل القصة !

أنا متابعة لكِ بصمت..يعجبني ما تكتبين

تحياتي لكِ

Tarek Elkhatib يقول...

دى مش السجاير اللى ملغومة ,, دول الكام سطر اللى كاتباهم دول هما الملغمين بخلاصة عصارة عصير مشاعر معصور يدوى ,, نقطة .. نقطة ..ذى حبات رمل الساعة مع فارق السرعة طبعآوهنا لازم أقولك أن أختيارك للصورة رائع بل أكتر كتير من رائع وكأنها متصورة عشان تقول كلامك !!
الجميل وجيه عزيز بيقول كلام فؤاد حداد....
والعمر فايت بيقول آآآآآه ,, والقطر فايت بيقول توووت,, على المحطة يا ولداه ,, حتى المحطة كمان هتفوت

SAMI يقول...

ما عارف جعتلتيني ادخل كل يوم لاري مادا كتبت
واجد نفسي مشدودا
ول انظر الي كتاباتك بعين الناقد
علي الرغم من ان قلمي لم يسلم منه احد
الي الامام عبير

Sara يقول...

عادة لما كان في بلوج بيعجبني كنت بقرأه كله مرة واحدة ، بس المرة دي أنا مقريتش المواضيع كلها مر واحدة .. كنت خايفة المواضيع تخلص و استنى البوست الجديد .. بس للأسف أنا خلصت قرأة النهاردة و عاوزة أقولك بجد ما شاء الله .. اسلوبك جميل و بيشد دا غير الحاجات اللي اتكلمتي عنها بجد فيها حاجات وسعت مداركي و خلتيني أفكر في حاجات كتير .. كنت ببقى ماشية فالشارع و بفكر في كلامك اللي قريته قبل ما أنزل .. كتير قوي وصفتي حاجات جوايا و كتير عبرتي عن كلام مش بقدر أقولوا..

مش عاوزة أطول عليكي بس بجد تسلم ايدك و عقلك على كل الابدعات دي ، و ربنا يكرمك و يحقق لك كل أحلامك ..

- سارة

Abdou Basha يقول...

بوست جميل
الأجمل انه متصالح مع نفسه وهيمارس دوره ككبير العائلة من السرير، وبيضحك لأنه متصالح مع امكانياته دي

Abeer Soliman يقول...

سامى...

يشرفنى متابعتك ويسعدنى نقدك

Abeer Soliman يقول...

سارة ...

أوعدك أن أحاول بقدر الأمكان أن دايما يبقى فى جديد على الأقل كل أسبوع علشان ما تستنيش الجديد..

وانت كمان ربنا يحقق لك أحلامك.. يارب

Abeer Soliman يقول...

عبده باشا...

صاف يا لين؟!!! ولا أيه؟!
أشكرك على متابعتك

Abeer Soliman يقول...

طارق..

تشجيعك المستمر ليا بيدينى ثقة كبيرة فى نفسى .. أشكرك من قلبى بجد

رجل من غمار الموالى يقول...

صباح الخير
...........
ضحكتينى وانا بالى مهموم
......
تحياتى