الثلاثاء، 4 مارس، 2008

شلة بنات عوانس


احنا شلة بنات كلنا فوق التلاتين ..كلنا ولا مؤخذة عوانس النهاردة عيد ميلاد أكبرنا سناً قررت أن تحتفل به في بيت واحدة منا (تجمع بنات وبس) ولأن صديقتنا كانت بتحتفل بعيد ميلادها على طريقة الجنازة بعيون مليانة دموع لكونها فوق التلاتين بكتير ولكونها بلا زوج ولا حتى راجل في حياتها ولا عزاء للمتزوجات ..وبعد المراسم الجنائزية لتقطيع التوترة والذي منه طرحت سؤال مهم جداً (ليه احنا عوانس)؟! وقبل ما ابتدي سرد الأسباب الي اتقالت احب اديلكم فكرة عننا في الأول ..

الشخصية الأولى- صاحبة عيد الميلاد- : بنت مصرية جميلة جداً متعلمة في كبرى الجامعات وأغلاها.. مثقفة ..مستقلة ..ذكية ..هادئة الطباع.. من أسرة غنية صاحبة بيزنس ناجح تشارك فيه الشخصية الثانية .

الشخصية الثانية: مصرية تحمل جنسية أخرى.. متدينة جدا..ً جميلة ذات ملامح ملائكية تعكس صفاء داخلي يمنعها من فعل الخطأ مهما كان.. فنانة.. مثقفة.. ذكية.. تشارك الشخصية الأولى في بيزنس حجمه صغير، ولكنه ناجح جدأ .

الشخصية الثالثة: سمراء.. فتاكة الأنوثة.. هي الى أبعد الحدود محط أنظار الرجال في أي مكان.. ذكية جداً.. لسانها طويل جداً جدا،ً ولكن بخفة دم ليس لها مثيل.. ناجحة في عملها كثيرة الأسفار والترحال.

الشخصية الرابعة: نجمة.. لامعة في مجالها.. غير مصرية.. مسيحية.. متدينة جداً.. جميلة جدا جدا جدا.. حلم أي رجل في أي مكان تتواجد به.. مثففة.. ذكية.. بريئة جداًااااااا .

الشخصية الخامسة: سمراء.. ذات جمال خاص.. تحفة فرعونية متكاملة الملامح -مطرقعة جداااااااا- متحررة.. ذكية.. شقية.. ناجحة في مجال عملها لأقصى الحدود.. منطلقة.. طفلة على الدوام..

الشخصية السادسة: موظفة في شركة كبرى تحتل منصب هي أصغر من عمل به في هذا المجال.. ذكية.. مستقلة.. جذابة جدا..ً شقية قوي.. طموحها بلا حدود.. أحلامها لا تنضب.. جميلة جمال خاص جداً جداً.. حاجة كده تفكرك بسعاد حسني .

قررنا انهاردة نتكلم بصراحة.. ليه كلنا على اختلاف ميولنا وأشكال جمالنا واهتماماتنا وطباعنا وصفاتنا التي يتمنى أي رجل يلاقيها في واحدة .. عوانس ؟!
ليه احنا عوانس؟
طرحنا السؤال وكانت الأراء كثيرة، والأسباب العرجاء أكثر، واستفاضت كل واحدة منا في عرض تجاربها في الحياة، وتكهناتها بأسباب كونها عانس حتى الان.. في نهاية المطاف وضعنا أيدينا على النقاط المشتركة بيننا جميعا وتأكدنا أنها سبب عنوستنا.. جمعااااااااااء.
هذه الصفات هي: الاستقلالية.. النجاح.. الذكاء، واستطعنا من خلال تحليل بعضاً من علاقاتنا السابقة أن نكتشف "المصيبة السودا" ألا وهي أن الأنثى الناجحة المستقلة الذكية شخصية مبهرة تجذب الأنظار.. تخلب الأللباب.. تستفز الرجال للتقرب منها لكونها غير نمطية ..ثرية وشيقة.. يعيش معها الرجل سعادة لا توصف لكونها الحلم المفقود، ولكن ماذا بعد؟؟؟؟؟
الفرار.. نعم الفرار هو الخطوة التالية حيث لا يملك الرجل الشرقي مع أمثال هذه الشخصيات التي تهدد ذكورته.. تهدد سي السيد بداخله .. سوى الفرار، خصوصاً وإن كان هو ذلك المثقف المطلع.. فبداخله تكمن الطامة الكبرى (شيزوفرانيا المثقف المصري أو العربي) الذي وفقا لقراءاته واطلاعاته وأحلام يقظته- لكونه مختلف عن جذوره- تستهويه الشخصيات أمثالنا- أنا وصديقاتي- لكن يبقى بداخله ذلك الرجل الذي يريد أن يثبت على الدوام "لذاته وللمجتمع" أنه هو.. الرجل .

ولكن ماذا تعني كلمة الرجل في أذهان هؤلاء العجزة ؟
- صاحب اليد العليا.. اللي بيصرف على البيت ..صاحب العمل الأفضل.. صاحب الدخل الأكبر، والأكثر وعياً.. الدليل للحياة.. السند..المرشد.. الموجه.. إلى أخر هذه المهاترات.

ومن هنا.. نحن لا نصلح للرجل الشرقي، فكلنا صاحبات وجهات نظر قوية فيما يتعلق بذواتنا.. صاحبات تاريخ طويل في تسلق صخور الحياة.. ومن هنا.. وبعد الانجذاب، والانبهار، وأحلام واهية في ليالي صيفية حارة، يفر هؤلاء الرجال بعد أن تسقط عنا الأهلية كزوجات، وربات بيوت، وأمهات.. لنبقى عوانس .

‏هناك 19 تعليقًا:

P=S=Y=C=H=O يقول...

aywaaaaaaa
la nabka 3awnes
el mawdo3 asln mish gayeb hamo:D

بنت جامده يقول...

اول مره احس بالخرس
صح
والله صح
صح
انا السنادى فقط قررت وانا فى كامل قواى العقلية انى اتنازل عن احلامى وارتبط وارضى بالتنفيس من ان لاخر عن جزء من احلامى بعد ما تأكدت ان الفرار من نيران الشهوه اصبح كابوسى الاول
بصراحه اظن ان نار الرجل ارحم من نيران المجتمع والعزوبية

Ahmed يقول...

Hi Abeer

That was really cool , real and straight forward...
i,m starting to be a big fan of your writings :))
keep writing and keep it up


9Sorry to write in english as i don,t have Arabic as an option in this PC)

Ahmed

Tarek Elkhatib يقول...

بختلف معاكى فى أنكم ماتصلحوش للرجل الشرقى !! وبعدين تفتكرى انك هاتبقى راضية مع الراجل اللى مش شرقى ؟؟ طب أنتم فى مجتمع مفتوح وأكيد ممكن تعرفوا جنسيات تانية !! حاولتوا ؟؟
لكن الحل اية ؟؟ انا أبقى عبيط لو أفترضت أنى أعرف اى حل للمشكلة العويصة دى !!
ربنا ينولكم اللى تتمنوه ويوفقكم أو يصبركم
كم أشعر بالعجز والخرس !!!!!!!

مصري بالغربة يقول...

انا مختلف معاكي في الموضوع ده ومفيش حاجة اسمها سي السيد عند الرجل بس فيه حاجة اسمها قوامة الرجل على المراة وده موجود في الاسلام

والشرع ولان الرجل هو المسئول مسئولية كاملة عن بيته وزوجته وابناءوه

بس للاسف الغرب عايزين يغزوا عالمنا الاسلامي باي طريقة وعايزين يحرروا المراة والكلام ده كله وللاسف فيه بنات كتير بتتوهم بكل الكلام الغربي ده وعايزين يقلدوا الغرب تقليد اعمى

فعايزين يستقلوا ويبقوا زيهم زي الرجل وعمر ما حيحصل كده ابدا لان الرجل رجل والمراة مراة

كل منهم له دور في هذه الحياة

غير معرف يقول...

السلام عليكم...

البنت التي تعيش في الغرب وهي سواء كانت من اصول شرقية ام من بلد غربي دائمأ تفكر جيداً قبل الدخول في القفص الذهبي وهي تعطي التنازلات في المقابل هي سوف تتمتع بالحياة الزوجية...أيا ترى هل البنت الشرقية تفكر بنفس الطريقة...اما النقطة الثانية التي احب ان اوضحها لكُن ياأخواتي العزيزات فأن بيتك في المستقبل هو مكان استقراركِ وهو سكنكِ وهو مكان راحتك فإن كنت جميلة وشابه فيجب ان تفكري بأن الجمال والعمر سوف يمحى مع مرور الوقت ولا أحد في هذه الدنيا سوف يساعدك مثل زوجك وحبيبكِ وشريك حياتكِ فهو يكون لك كأب وكأخ وكطبيب ولايغرنكِ الدنيا ..فالمجتمع الغربي وأنا اقيم فيه منذ 11سنه ولي خبرة فيه أكثر الناس يعانون من الوحدة في الشيخوخه وذلك لأنهم لم يهتموا بأمر الزواج وضلوا يلهوا ويلعبوا. ويقول دائمأ أنا أنا وفي الآخر تجدينه بلا زوجه وبلا أولاد وعاقبته في دار المسنين ..هذا حالهم من الرجال والنساء فلا تقلدوا الغرب في تصرفاتهم.. فالأمر يتطلب التنازل وعدم المغالاة وكل منا يريد ان تكون زوجته اجمل الجميلات وكل بنت تريد زوجها يكون من افضل الرجال...ولكن في الأخر لاينال المرء الأ نصيبه في الدنيا..ولكم مني خالص التحية والسلام

sineen يقول...

انتم كتبتم بانفسكم يجب ان نكون عوانس و نظل هكذا ؟؟ و من الغريب جدا ان تتمنى البنت عدم الزواج مما يدل على نقص فيها او عيب تخاف ان يكشف من هذا الفهم الضيق . و كيف لا تتزج المرأة و هى خلقت من اجل وظيفة محددة فى هذه الارض الضيقة .
اما مفهوم ان المرأة المثقفة و ذات الفهم الراقى و المتقدم و و و فهذه رتوش لا تقدم فيها كشرقية و لا تأخر و المثل يقوم كان بقت فاس ما بتكسر الرأس .من الطبيقى ان تكون المرأة تحت امرة وليها اب ،اخ او زوج كان و خاصة الاخير الذى تحس معه بانوثتها و امنها و سيدتها و انكسارها تحته.
عشن الواقع ايتها الاخوات الفضليات و اقتنعن بالمقسوم .و الفهم السائد ان لا عانس الا بصنع يدها لان كل فتاة تأتيها فرصتها نعيما مستصاغا هى التى تضيعه بعنجهيتها.

ميروووووووووووووو يقول...

معاكى حق يا جيجى الراجل الشرقى عايز واحدة تقوله حاضر ونعم وبس... لكن تقول رايها لا...حتى لو رايه غلط. وبصراحة معظم الرجالة اليومين دول يحملون فى بطاقتهم الشخصية النوع ذكر لكن لا يعرفون ولا يقدرون معنى الرجولة...اكرر معظم رجالة او شباب الايام دى وليس جميعهم علشان منزعلش الرجالة اللى بجد مننا...
سلام يا جيهان واتمنالك التوفيق فى حياتك

صديقتك من المنصورة
ميرووووووو

osama يقول...

تحياتى ليكي ولمدونتك الجميله بما انى جديد فى دنيا التدوين وعامل فيها ال ايه مدون خلينى بقي ادون عندك راي باختصار شديد مش الراجل الشرقي بس اللى عنده عقده الست الشرقيه مكلكعه اكتر منو والحقيقه اللى لازم نواجه نفسنا بيهل هيا ان الست لما بتكون ناجحه فى شغلها مش بتحاول انها تتلافي اخطاء الرجل وغطرسته وتسبتله انهم متساويين لا دي بتتبادل معاه الادوار وبيكون هو اللى المطلوب منه انه يسمع الكلام لانه اقل منها ومش من مستواها الفكري فطبعا لازم يحصل اصطدام عشان كده مش قادرين نكون على مستوى الحياه الاوروبيه مثلا لسبب بسيط هما عارفين كل واحد مطلوب منه ايه فى البيت او نمط الحياه بينهم شكله ايه سواء بقى ناجحين فى شغلهم ولا فاشلين هيا هيا عشان كده مبيتعبوش مع بعض ومش هتصدقي لو قلتلك انى عشان نفس السبب مش راضي اتجوز لانى خايف من الست الشرقيه ومش عايز اقلب حياتى جحيم بعد تجربه استمرت 9 شهور مع بنت انجليزيه علمتنى يعنى ايه لما يكون راجل وست عايشين فى بيت واحد واذاى يقدروا انهم محدش يتسبب انه يضايق التانى ياجماعه باختصار المشكله فينا رجاله وستات وفى ثقافتنا مش حاجه تانيه
مره تانيه احييكي على المدونه الراقيه واتمنى انك تزوري مدونتى هيا جديده بس يعنى عايز اعرف راي الناس هانفع ولا فاشل فى دي كمان

انسان يقول...

تحية طيبة..

اكتب لك بعد ان شاهدت برنامج احمر بالخط العريض.. احييك على هذا الحظور القوي .. والطله البهية.. لقد بدات كلماتك بالحديث عن قوامة الرجل على المراة ومسالة وصف المراة بناقصة عقل ودين, انا اعتقد كانت بدايتك هي الصحيحة في دخول موضوع العنوسة وليس ما قد رسمه مقدم البرنامج كخط وفقرات لادارة الحلقة.. ولم يتطرق للاسباب المباشرة او الغير مباشرة.. لقد دخلت على مدونتك ولكن اوعدك باني ساقرا ماتكتبين.. لقد كتبت قليلا عن الحلقة في مدونتي.. بشكل مختصر جدا.. لك مني اجمل تحية..

Eman يقول...

hello Abeer,,
This is Eman ,, .Egyptian ,,single,, why ,, cuz wont accept less than a man
.i only logged in n read it after watchin u on Tv LBC channel,, u were amazing ,, n u said all on my mind ,, and all on any girls mind ,,

we r not easy girlsas before ,, we r diffrent ,, n we are good diffrent that's what it makes men ,,get away from us ,,

wish u the best ,,
urs Eman

غير معرف يقول...

hi Abeer,
I saw you on TV (LBC I think) and first thing I did when I got a PC was searching for your blog. Am proud of you, love your writings and wish u best of luck. As for el 3awaniss post....I was amazed how even women in Egypt suffer from the same issue. I always thought that Egypt is full of open minded, well educated men who would appreciate smart, sophisticated and intelligent women like you and your friends. It seems to me now that this is a worldwide phenomenon, and men are men everywhere. Am Kuwaiti, in my mid 30s with a PhD among many other career accomplishments but zero relations….I scare men away…my guy friend advised me to act stupid and clueless in order to attract men….can you imagine Abeer? Is it our fault that we were raised to be independent? That we invested in developing our personality and career?
As if this was not enough,,,,but many of us were also blessed with a distinctive beauty …just to intimidate men even more.
Some guys were commenting on your post claiming that we are arrogant or must give sacrifices or accept to be inferior to men. They don’t understand that we are not full of ourselves. We are in deed humble, and wish to be swept off our feet by the man of our dreams. It’s just that we cant change,,,,we cant act clueless, weak or stupid. After all, don’t you men think we’d be the perfect mothers to raise your babies? We are educated, smart and know how to handle things…so, you wont have problems trusting us with infants, working under stress, or dealing with life’s many challenges. We will be by your side, building our future together. But, what can we say!! I’ll be straight honest with you ya okhty…women are always thought of as sex symbols and baby making machines…whether they are doctors, lawyers, teachers, actors, engineers, accountants, writers…. It doesn’t matter. It isn’t our brains or personality they’re after.
Wakhid balak ya zaky!!!
Good Luck my dear,,,,,wa rabbina yewafa22 el jamee3

بتاع الورد يقول...

اجمل ما فى الامر هو مواجهة المشكلة والاعتراف بها ولكنى ارى ان المواجهة اصبحت لوجود اعذار للعزوبية ولا اقول العنوسة ولتبرير عدم الزواج وهذا هروب من المشكلة بعد مواجهتها اولا مما افسد الامر تماما..
يجب ان يكون هنالك صدق واعتراف باس المشكلة والاعتراف بها والعمل على علاجها وليس رمى اللوم على الرجل وخلاص..
الرجل يسعده ان يرتبط بانسانة ناجحة وجميلة وذكية وغنية كذلك فهذه اشياء رائعة وستحول حياة الرجل الى هناء دائم ومقيم ...

غير معرف يقول...

السلام عليكم..
انا شفت البرنامج (احمر بالخط العريض) وسمعت كلامك اخت عبير..وانا متاكده انك حتقري الكلام الى انا اكتبه..
ملاحظتك ان اغلب العوانس مثقفات ومتعلمات تعليم عالي وطموحاتهم عاليه جدا صحيحه ميه بالميه!!بس انا ما باقول الكلام دا عشان انا متفقه معاك لا..بالعكس انامؤمنه ان الرجل ليه قوامة على المراء..ولا ليه اسمه رجل..هو الي بيحميها ويراعيها ويستر عليها بالحلال..والمرأه ليه كدا..ليه انثى..لانها رقيقه وحنونه وهي مصدر الحب والعطاء..هي الي لازم تحافظ على زوجها وتحاول تسعدوه..لانها اذا اسعدت زوجها حيسعدها..
والمثقفات بشكل عام وصاحبات الاعمال دائما عوانس لانهم بيفتقدوا للأنوثه والراجل بيهرب منهم مش لانهم اذكياء او مستقلات لا بس لانه بيعرف انوا لو اتزوجها مش حيحصل منها حب واهتمام ومش حتكون له لوحده..
انا اسفه على الاطاله بس هذي وجهة نظري واتمنى لكم جميعاً حياه سعيده

حنين يقول...

عندك حق الرجل عموما بيقول كلام ويتصرف مع زوجته بالتحديد باسلوب مختلف اسنان انانى عايز الزوجة الطيبة المحترمة اللى تسمع الكلام وما ترفع حسها تبقى انثى وام وشغالة ولما يركن عليه تبقى راجل وكمان يبص بره ويصاحب ويقول درر فى واحدة شخصيتها قوية ليها فكر واسلوب وتقدر تعتمد على نفسها بس لو دى شخصية مراته لازم تتكسر بمزاجها اوغصب عنها باللين اوالتهديد او اى اسلوب فصدقينى افضلوا عوانس احسن لا راحة فى الدني

غير معرف يقول...

حقيقى الراجل بيخاف من البنت اللى بيحس انهاناحجه وذكيه عشان بيخاف انه مش بيقدر يفرض سيطرته عليها مبيحبش يرتبط بالبنت المتفتحه بيحب البنت اللى تقول مين ده!!!!!!!!!! معرفش!!!!!!!!!!!!!!! وفى الاخر يقعد يعيط لانها مبتحولش تشغل عقلها ويكون عايش مع واحده بتاكل وبتشرب وبس
وعجبىىىىىىى

Ahmed يقول...

لو الراجل الشرقي مش عاجبك داوري على الغربي يمكين يقدر عبقريه جنابك

أنا حريتي يقول...

مقدمة جميلة و تحليل رائع جدا...
شكرا للمدونة الجميلة التي اكتشفتها لتوي

كل التحية

هيفرق معاك؟ يقول...

ياه عارفة ممكن تفتحى الكومنت وممكن لأ,لكن مش جايلى نوم قررت اعيد التراث واقرا المدونة من اول وجديد وكأنى بقراها لاول مرة